گوشہ ادب ۔ شمشاد وحید غنی ملٹی ٹیلنٹڈ شخصیت

شمشاد وحید غنی
ملٹی ٹیلنٹڈ شخصیت
شاعرہ مصنفہ گلو کارہ و اداکارہ
“فیر مِلاں گے”( بی بی جی )۔۔۔۔۔۔۔
ماں اِک واری گل نا ل لا کے
بانہواں پا کے فیر ملاں گے
منہہ سِر تیرا چُم چُما کے
وعدہ نبھا کے فیر ملاں گے
ماں اِک واری گل نال لا کے ۔۔۔
ماں توں اپنا وعدہ بھُل گئ
تیرے بنا میں دُنیا اچ رُل گئ
گل وی نا کیتی مُٹھی وی کُھل گئ
ہُن اگاں جا کے فیر ملاں گے
ماں اِک واری گل نال لا کے ۔۔۔
رو رو میرے اتھرو سُک گئے
لمیاں فلائیٹاں رستے وی رُک گئے
آخری سانبھے ساں فیر مُک گئے
رب کول جا کے فیر ملاں گے
ماں اِک واری گل نال لا کے۔۔
بھین نوں میرا کلام وی دینا
ابا جی نوں سلام وی دینا
ماسی تے نانی نوں پیغام وی دینا
چھیتی آ کے فیر ملاں گے
ماں اِک واری گل نال لا کے ۔۔۔
تیرے بنا شاد جی دل نئیوں لگیا
واپس چھیتی رستہ نپئیا
بھابھئیاں روکیا وِیراں نے ڈکیا
دھی نوں روا کے فیر ملاں گے
ماں اِک واری گل نال لا کے ۔۔۔
۔۔۔۔۔